Son andà in Municipio
che dovevo far ‘na carta.
Là sgobà go dal principio,
quindi son partì in quarta.

Me presento al sportel,
la ghe iera una bionda,
me se movi el fringuel,
me pareva una sonda.

La me disi: »Kaj gospod?!
Vi želite zdaj župana?«
O mio Dio, o maj Gott,
Cossa xe ‘sta roba strana?

Forse son oltre ‘l confin?
Ma adesso no’ l’esisti!
Me la ciapo con morbin,
mando zò quaranta Cristi!

Po’ ghe digo: “Non capisco.”
La me fa: “La obedisco!”
Ghe domando quella carta,
iera per mia zia Marta.

Per intanto, fato sta:
el fringuel el xe calà.
La me disi: “Tukaj ‘mate,
a zapnite si prej gate!”

Che saria:
“Ecco qua, caro colega
e la seri la botega.”