Iera ai tempi della Jugo,

son andà col socio Ugo

per Salcan oltre confin

su sul Collio a bever vin.

 

Al tornar zà iera sera

e la rampa zò sbassada,

semo andai per la Livada

ziti e de gran cariera.

 

Salta su col mitra in man

l’omo con un grande can.

Se tratava de un druže,

come spiego le mie scuse?

 

»Mi son sta con voi in Tarnova,

go sul cul la giusta prova:

un tocheto de shrapnèll

quasi ga sbusa el budel.”

 

“Ti tovariš?” »Sì, compagno!«

Iera un serbo alto, stagno.

El ne guarda drito, drito,

go zontado: »Živijo Tito!«

 

El rispondi: »Ajde, ajde…«,

noi de corsa per le brajde.

Xe cussi che con pazienza

ga inizià la convivenza.{jcomments on}