Salta Ugo, ‘ndemo in fiera,

xe ‘rivado Sant’Andrea,

ge xe tante bancarele

e le giostre, tante stele.

 

Là i vendi mandorlato,

dolci, zuchero filato,

borse, cinghie e ombrei,

tuto xe per pochi schei.

 

Vien la gente da Vipava,

te incontri qualche slava,

te ghe disi: “Gospodična,

Vaša ritka je prav mična!“

 

Lo go fato una volta,

la se gira, la se svolta,

me ariva un cefon,

son finì nel canalon.

 

Forsi xe el Tagadà

e la Casa delle streghe,

te vien fora ben sudà,

anche senza farse seghe.

 

Xe sei giorni de trambusti,

tanti fioi e tanti gusti,

con el sol e con la piova,

ogni anno gente nova.

 

Tuti quanti a farse ‘vasche’,

sù e zò per Corso Verdi,

tanti compra, svoda tasche,

tra la gente te se perdi.

 

Xe da secoli che dura

e in dicembre la impera,

salta Ugo, go premura,

de andar con ti in fiera.