K’r n’s intergrira

Son andà al Kulturni dom,
ghe go dito: “Sior, pardon…”
El capiva poco o niente,
vara ti che strana gente.

Vino

No i xe forse zà bilingui?
I me par assai guardinghi!
Mi me sa che in loro zona
i ne ciapa un po’ per mona.

Dopo al Bratuž son andà,
la ghe iera un bel gagà:
in ‘na man el rosenkranz
e nell’altra Jožef Franc.

Go capì che aria tira:
“No ve dago una lira!”
Forsi ga razon la Lega*?
Quela proprio no me frega.

Ma el Primorski xe un giornal?
No capisso gnanca un’aca.
Vola sul castel ‘l cocal!?!
Qua andemo tutti in vaca.

Soča xe in sloven l’Isonzo?
Quanto che me sento stronzo!
Per fortuna: vino xe vin,
ne acomuna ‘sto destin.

*Nazionale{jcomments on}